ثريد

الدي بي آر ..ليس الحنكوش

نزولا عند رغبة الجماهير، ولازالة اللبس القائم في مسألة الدي بي آر خصوصا أنه تويتر هو بيئتهم الخصبة.

لو حسيت طرف السوط هبشك ما تزعل الموضوع ما شخصي

1

اول من كتب عنهم هو احمد خالد توفيق في مقال قبل كم سنة، بوصف الشاب العايش جو الشركات الأمريكية العابرة للقارات، المتخيل أنه حيقدر يقفز علي محددات الواقع بتاعه.

جو الوظيفة المن تلاتة حروف وبتدي احساس بالخطورة

يعني لو قلتا عنه 'موظف شؤون عاملين حيموت?"

هو HR recruiter?

2

الدي بي آر من هو صغير بيستعر من المجتمع الحوله وعاوز الحلم الأمريكي عشان كدا بيحاول يتبع بشكل أعمى.

يعني لو عمل بزنس حيكون قائم علي التسويق أو ابلكيشن بيخدم طبقة معينة.

الدي بي آر اهم حاجة عنده يملأ ال CV بي مؤتمرات ومبادرات ما مهم مستقبله الوظيفي شكله شنو

3

اهم حاجة عند الدي بي آر أنه الحاجة البعمل فيها تكون بتقربه الخواجة خطوة، بالتالي هو فاقد اي قدرة نقدية لي البعمل فيه دا أثره شنو علي المجتمع بتاعه أو علي دخله المادي

لو قلتا ليه تشتغل في وزارة الثروة الحيوانية بي 10 الف أو في البريتش كاونسل بي 7 الف حيختار البرنس كاونسل

4في تخصصات بي طبيعتها مابتسمح ليك تبقي دي بي آر وحاتختك في الواقع:

الطب ، الهندسة المدينة والمعمار.

لمن تكون شغال مع مرضى،تمرجية، أو عمال،مقاولين وتجار اسمنت، بتتعامل مع كادحين لي وقت طويل حتفهم أوضاعهم ودوافعهم، وحتفهم محددات وضعك.