اختيار و تقبل شريك حياتك ؟
---
شوف الـ Thread https://t.co/YKqQ8dN35a
١- اختيار شريك الحياة
---
مجتمعنا مجتمع قبلي او عشائري مش مجتمع فردي زي المجتمعات الغربيه ، عشان كدا الزواج في مجتمعنا مش عبارة عن فردين بس ، لكنه عبارة عن عائلة بتتجوز عائلة
- و عشان هو مجتمع عشائري فالزواج الطبيعي يكون خاضع للعادات و التقاليد في كل بيئة ، و البيئة في الزواج بتختلف من مكان لمكان ، بدايه من الشبكة و الاتفاق على متطلبات الزواج لحد بعد الزواج و العشرة نفسها
- فالطبيعي ان هتلاقي في اختلافات بين الطرفين تبعاً لكل ثقافه منهم ، مثلاً تلاقي الشبكة في القرى اغلى من الشبكة في المدينه ، تلاقي في مكان معين الاتنين بيجيبوا كل حاجة بالنص و مكان العريس بيجيب اكتر و مكان العريس بيجيب كل حاجة
- عشان كدا يفضل ان يكون الطرفين من بيئة متقاربه و ثقافه متقاربه ، عشان يكون الاتفاق موجود و يقلل حجم الاختلافات بينهم ، و دي حقيقة لازم تكون واخد بالك منها
