دخلها ما كملش ٤٠٠٠ جنيه فى الشهر وساكنة ايجار قديم ورصيدها فى البنك صفر وبتحلف انها عايشة ومستورة ومبسوطة وبتحمد ربها ليل ونهار.

دخله ٢٠٠٠٠عشرين الف جنييه فى الشهر وعنده شقة تمليك وودايع فى البنك وبيحلف انه تعبان ومخنوق ومش قادر يكمل الشهر من المصاريف اللى وراه ??

ولا اكل وشرب حتى .

وانا مصدقة الاتنيين ....وعارفة انه مش بيكدب

بس الفرق بينها وبينه....انها ممكن تشترى ربع كيلو مفروم فراخ وبس وتعمل منه وجبه كاملة متكاملة وتكبره وتزود وزنه ببصلايه وبطاطستين.... وشوية سلاطة وفاكهة وتاكل وتشبع هى وولادها...وحتى لو مفيش فراخ او لحمة??

حتلاقيها اتصرفت بحلة كشرى ولا طبيخ اورديحى من غير لحمه بس طعمه فى بوقها زى السكر

لو نزلت هى على المغربية ويا وولادها على الكورنيش اتمشوا وشموا هوا واكلوا ذرة مشوى على الفحم..بيرجعوا مبسوطين وفرحانين واعتبروها فسحة جميلة ويوم ما حصلش

لكن هو ولاده لو نزلوا اتغدوا??

فى المول ودفع ٢٠٠٠ جنيه واكتر فى اقل غدوة....اعتبروها غدوة وفسحة بسيطة ويمكن كمان ما اتبسطوش !!!!.

هو مش قادر يقول لولاده لااا.....انا دخلى ثابت والوضع الاقتصادى صعب على العالم كله مش على مصر بس...وانا دخلى اصبح ما يغطيش مصاريفى...ولازم نعدل ستايل حياتنا لحد ما ربنا يفرجها..??

ولاده كانوا متعودين يتغدوا كل اسبوع بره ...مش قادر يقول لهم خلوها كل اسبوعين....او خلوها اسبوع نتغدى بره.....و اسبوع نشرب حاجة خفيفة سريعة.ويبقى وفرنا نص بند خروجاتنا ..

هى كان عندها القدرة على التاقلم تحت اى ظرف ....تعرف تعيش بجنيه.....وتعرف تعيش بعشرة..هو لاااا

هم الاتنين??