موضوع البطاقات مسبقة الدفع أو استخدام البطاقات بالعملة الصعبة بشكل عام، ايه تأثيرها على المعروض الدولاري و ايه حجمها و ليه المركزي مركز مع الكروت كدة بقاله فترة؟ https://t.co/v4wbtfBbaQ

البند ده بيظهر في ميزان المدفوعات تحت "travel" و بيضم كل المنصرف الدولاري خارج مصر من خلال تعاملات المصريين خلال السفر او المقيمين في الخارج. كل عامود بيمثل المنصرف تراكميا خلال كل ربع في اخر ٢ عام مالي. المركزي بيقول انه لاحظ ارتفاع كبير في الاستخدام الخاص بالبند ده. https://t.co/uADNFdnXcC

واضح امامنا ان بداية من الربع الثالث من العام المالي ٢١-٢٢ (يناير - مارس ٢٢)، الاستخدام تقريبا تضاعف و في الربع الاول من العام المالي ٢٢-٢٣ (يوليو - سبتمبر ٢٢) تضاعف تاني مقارنة بالسنتين الي قبل كدة. هنا حصل اول تحجيم لحدود السحب.. https://t.co/6zS74wJZW8

طبعا مع انحسار تاثير كورونا على السفر، البند ده كان بالفعل ابتدى يرجع لمعدلاته من الربع التاني من ٢١-٢٢ و لذلك الزيادة برضه لها وجاهة لأن السفر اتفتح و موسم الحج اشتغل. هل فيه سوء استخدام؟ الاجابة طبعا. لكن الجزم ان الصرف كله "مضاربة" او اساءة استخدام ده فيه نوع من التعميم الشديد

طيب السؤال الأهم، البند ده يمثل ايه في ميزان المدفوعات ككل؟ خليني اعمل سرد سريع لميزان المدفوعات ككل لأخر السنة المالية من بيانات النصف الاول المتاحة من المركزي عشان نشوف المنظر. (ملحوظة هامة: ده بيان مبسط جدا لاغراض الشرح و داخل فيه توقعاتي) https://t.co/VD5u2RgfzV