مساء الخير بتوقيت أم الدنيا ....
? أخبار الكوكب ?
الكوكب ده بقا آخر مسخرة والله...
و لو إنتوا مش متابعين أخبار الكوكب....
بسرعة هاتوا كوباية الشاي بالنعناع وتعالوا ناخد لفة ف آخر أخبار الكوكب...
ومطولش عليكوا وقولولي لاء طول....
،? لاتڤيا ....
إسم الله على مقامكوا في دولة ف أوروبا إسمها لاتڤيا....
لاتڤيا دي بقا للي ميعرفهاش دولة صغيرة كدا ومحندقة على بحر البلطيق على حدود روسيا...
بس غنية جدا جدا ومن أهم صناعتها التكنولوجيا والإلكترونيات وهي عضو ف الإتحاد الاوروبي وبيعتبروها سويسرا التانية....
بس بعيد عنكوا وعن السامعين والشر برة وبعيد الإسبوع اللي فات إنتخبوا رئيس جديد ...
وبكل ديموقراطية ونفس راضية من الشعب اللاتڤي إختاروا رئيس ولمؤاخذة .....
مممممم بصوا بصراحة كدا انا مش عارف أجيبهالكوا إزاي...
بس الرئيس اللاتڤي نفسه بعد ما نجح فالإنتخابات الرئاسية طلع بنفسه وقال في أول خطاب رئاسي رسمي ....
أنا أول رئيس دولة مثلي الجنس فالإتحاد الأوروبي
و يا أيها الشعب اللاتڤي ... أنا باخد فيها
واللي ميعرفش ولمؤاخذة يعني إيه مثلي الجنس....!!
من الآخر كدا يعني ملهوش فالنسوان بس ليه فالرجالة و متجوز راجل زيه
بس الصراحة يعني مش لاتڤيا بس اللي عملت كدا...
دا كمان رئيس وزاراء بلجيكا هو كمان ولمؤاخذة طلع متجوز راجل..
بصوا الصراحة كدا مبقاش في رئيس مضمون فالكوكب ده...
