كيف نتعامل مع العاملة المنزلية عشان نوصل لوضع مريح للطرفين بدون ضغط، من تجررربة ??
هذا الموضوع كتبته من تجربه مريحه لي مع العاملات بدون ضغط ، الافكار الي بكتبها مناسبه عشان تكون مرتاحه العامله وتقدرين توجهينها وتسمع الكلام بكل حب وتتجنبين المشاكل المتكرره ، الموضوع لطيف ومو اجباري على احد خذي الي يناسبك واتركي الي مايناسبك ?
قبل الاختيار لازم نرتب لـ مقابله شخصيه معهم عشان تعرف هي وين رايحه وقبل اصلا ضروري انتِ تحددي بمخك ليه جايبتها عشان تقوم بدورك كامل طولا عشان تطبخ ولا عشان ناني؟
ليه نحدد عشان لاتتوقعين منها اكثر من المطلوب وتحملينها فوق طاقتها بعدين تزعلين خليك واقعيه ولاتحملينها فوق طاقتها وتحملي مسؤلية حياتك مع وجودها مساعدة فقط
عن نفسي احتياجي الاول عشان طفلي وقت دوامي و تساعدني بنظافه البيت كنت اسأل وقت المقابله قبل اختار هل عندك اطفال هل تعرفين لهم هل تحبين التعامل معهم وكان بعضهم يوضح بوجههم الرفض وبعضهم ترفض صريح وبعضهم تبدي حب وابتسامه لما اجيب سيرة الاطفال
