العتاگ مقتنع ويريد يقنعنا انه اكو حشدين، حشد السواتر وحشد المكاتب الحشد الاول شريف ووطني وكل عناصره همهم امن العراق والعراقيين،
والحشد الثاني عملاء شغلتهم يبوگون ويخطفون ويغتالون وينفذون اوامر إيران.
ماشي اعتبرني اقتنعت، بس عندي كم سؤال ⤵️
1- منو إلي خطف وقتل اكثر من 14 الف مدني سني بوقت معارك د1عش؟ حشد السواتر لو حشد المكاتب نزع البدلات ولبس الزي العسكري وراح تعنالهم لمدنهم وخطفهم وقتلهم ودفنهم بمقابر جماعية؟
2- منو إلي مستلم ملفات ابتزاز المواطنين والتهريب عبر الحدود حالياً بالمحافظات الغربية والشمالية وعلى طول الحدود وي سوريا؟ حشد السواتر لو حشد المكاتب؟
3- منو إلي ديقاتل حالياً بسوريا وي نظام بشار الاسد البعثي وتحت إمرة جنرالات الحرس الثوري الايراني؟ حشد السواتر لو حشد المكاتب؟
4- منو إلي مستلم فلاحين بسطاء من البارحة لليوم اعتقالات واهانات طائفية بسبب هجوم د1عش على ميليشيات الحشد بصلاح الدين؟ حشد السواتر لو حشد المكاتب؟
